• News & Infomation

Regulamentu Governo Destroi Air Timor

REGULAMENTU GOVERNU DESTROI AIR TIMOR

Iha Janeiru 2016 Air Timor alista lukru diak tebes ho montante $940,000 ne’ebé $1.5 milliaun iha Konta Banku.

Diretor sira husi Air Timor deside atu komesa opearasaun ba Darwin, hasae horario rute Singapura nian ba semana ida dala 4 no komesa operasaun domestik iha inisiu 2016.

Desizaun Governu iha final de tinan 2015 atu aumenta NAM AIR (ne’ebé kompañia iha ne’e subsidaria husi Sriwijaya) ne’ebé iha direitu atu semo husi Denpasar ba Dili ne’e halo iu ona kapasidade ne’ebé iha, kadeira barak mak mamuk kompara ho merkadu nia presiza ne’ebé iha, katak ho aivaun tolu ne’ebé halao operasaun iha rute refere so bele atinji 50% ou menus husi load factor. Kompañia aviasaun babain presiza 70% atu bele iha balansu. Presu billete tun ba $70 – tun makaas liu fali presu iha merkadua normal. NAM Air atu hamenus gastus, sira pasa nia pasajeirus ba Sriwijaya iha loron hirak ne’ebé sira iha pasajeirus oituan dei – Air Timor buka osan liu husi Capital Raising to kobre gastus barak ne’ebé to $10,000 kada loron. Air Timor lakon osan barak iha Dezembru 2016 ne’e liu ona $3 milliaun.

Diretór Abessy Bento hateten Kompañia ida ne’e hasai osan lubuk ida ona too milliaun dollares atu kria Kompañia Air Timor nuudar kompañia lokal. Ne’ebé treina funsionariu timoroan iha rai liur no esforsu makaas tebes atu harii kompañia aviasaun lokal ne’ebé halo Timor urgullu. Nia hatutan sistema IT ne’ebé ho valor liu $1 milliaun, ne’ebé ligadu ba Singapore Airlines no Garuda. Ho funsionariu timoroan barak liu no uniku kompañia

ne’ebe iha sistema no rekursu humanu atu sai Kompañia aviasaun Nasional ba Timor-Leste.

Tinan 8 (ualu) liu ba ami harii ona kompañia Timor nian ida ne’ebé diak liu, selu taxa no suporta turismu no Governu. Iha tinan ida nia laran Governu nia regulamentu estraga deit.

Air Timor kritiku tebes hasoru Vice Ministru Transporte Inacio tanba fo lisensa ona ba NAM no Sriwijaya atu halao operasaun ho aviaun ne’e ho idade 22 (regulamentu hateten katak aviaun idade ne’ebé tama maximu mak ho idade 20). Iha fulan Abril 2016, Vice Ministru husu Air Timor atu hatama Airbus A320 foun hahu loron 1 Juñu no aviaun ne’ebé ho idade 18 ne’ebé la fo garantia. Nia hatutan aviaun rua seluk nemos sei kumpri regulamentu ne’ebé iha no sei hapara operasaun NAM Air. Air Timor kumpri regulamentu ne’ebé fó sai ona maibe esforsu seluk la akontese.

Regulamentu Governu agora mak suporta Kompañia Indonezia no la suporta kompañia Timor ne’e erro.

Liu tiha fulan 12 ho esforsu makaas ami atinji lukru iha fulan Dezembru maibe agora Governu renova tan NAM ba 2017 ho ida ne’e sei halo ami lakon barak liu tan – nia konsiquensia mak ami tenke taka rute Dili Denpasar hahu loron 10 Janeiru 2017. Povo Timor tenke hela ho kompañia avaiun ne’ebé monopoli – kompañia aerea ne’e ho aviaun idade 22 mak kontrola operasaun rute refere.

Ho presu minimu liu ba rute Denpasar ne’ebé mos fo impaktu ba rute Singapura – nune’e rute ida ne’e sei hatun husi dala 3 semana ida tun ba semana ida dala 2 hahu fulan ida ne’e. Karik rute Singapura mak la hadia mak rute ida ne’e sei taka mos iha tinan 2017